Da Schtruwlbeda af Bairisch

Wer kennt'n nird den Schtruwlbeda, den Suppnkaschper, den Zapplphilipp, as Paulinchen oder die Gschicht vom Damerlutschn usw. Seit Generationen wern die Gschichten erzöht und a jeder hot des Buach vom Schtruwlbeda bei sich im Schrank steh. I find's total super, dass da Schwoazfischer Klaus den Kinderbuachklassiker witzig und frech af Bairisch gschriem hot. I find des Buach sehr schee und die Originalzeichnungen vo 1845 laun die Kindheit wieda voll hochkemma. A die Ausmalbuidln find i total super, denn da kann a jeder dem Buach nu sein persönlichen Charakter verleihn. I kann des Buach wirkli jedem empfehlen, egal ob junge oder oide Leit. Für sich söiba oder ois Gschenk. Des is a Buach für olle, die gern Bairisch ren oder oafach des Bairische meng. Wer Goa Bairisch ka, für den san a Übersetzungshilfen im Buach drin. I wünsch eich ganz vü Spaß beim Lesn!